الجمال عند هيوم (الحلقة السادسة)
- شلون يعني ؟
-شوف : عندما تنظر إلى مرأة وتشوفهه جميلة جدا من وجهة نظرك ، وتحكم عليهه بأنها جميلة ، هنا أكو سؤال يطرح نفسه ويتمرغل بالگاع وهو : هل هاي المرأة هي جميلة في ذاتها وبشكل موضوعي أم أنها جميلة فقط لناس معينين دون غيرهم ؟
-مو واضح سؤالك ؟!
-يعني هل جميع البشر متفقين على إنو هاي المرأة جميلة ، لو لا ، الأمر مو بهالشكل ، يعني هي جميلة في نظر ناس ، وقبيحة في نظر ناس آخرين ، واضح شجاي أحچي ؟
-هسه واضح كلش ..
-هيوم يگول : هاي المرأة مو جميلة بنظر جميع الناس ، هاي المرأة جميلة بنظر البعض ، وقبيحة بنظر البعض الآخر ، أي أن الجمال عند هيوم أمر نسبي ، بحسب ذوق كل إنسان ..
-معقولة ماكو شي جميل بالدنيا تتفق عليه آراء الناس جميعا ؟!
-هنا هيوم يتلاحگ ويتدارك نفسه ويگول : لا لا رجاءا لاتفهموني غلط ، آني چان قصدي إنو من الناحية النظرية والعقلية المجردة فهذا الكلام صحيح ، أي أن الجمال نسبي ؛ ولكن من الناحية العملية والواقعية ، فالأمر مختلف ؛ يعني توجد أشياء يتفق جميع أو أغلب الناس على إنو هيه جميلة ..
والحمد لله ..
الفيلسوف_هيوم ( الحلقة السادسة )
باسم_الشبلاوي